Աղբիւր՝ www.yerkirmedia.am

Այսօր կայացել է թուրք յայտնի ցեղասպանագէտ Թաներ Աքչամի` «Հայերի բռնի իսլամացումը» խորագրով գրքի շնորհանդէսը: Երկու տարի առաջ լոյս տեսած աշխատութիւնը թարգմանւել է հայերէն: Աքչամը Ցեղասպանութիւն է համարում բռնի իսլամացումը: Գրքի բաժիններից մէկում նա նկարագրել է Թուրքիայում Հայոց ցեղասպանութեան հարցով անաչառ զբաղւելու անհնարինութեան, իր կրած դժւարութիւնների ու հալածանքների մասին:

Հեղինակի կարծիքով` Թուրքիայում առկայ ժողովրդավարութեան խնդիրների պատճառն այն է, որ Թուրքիան չի ընդունում իրողութիւնը: Նա յոյս է յայտնել, թէ գիտնականները կը հասնեն նրան, որ Թուրքիան կճանաչի Հայոց ցեղասպանութիւնը: